Հեղինակային մանկավարժության հեղինակների ամենամյա մայիսյան 14-րդ հավաք

Ժամանակահատվածը՝ 13․05 — 17․05

Մասնակիցներ՝ Արևմտյան դպրոց-պարտեզի նախակրթարանի սաներ

Համբարձման ծեսը․ նախագիծ

Նպատակը՝ ճանաչել և վերականգնել ազգային ծեսերը։

Մասնակիցներ՝ Նախակրթարանի սաներ։

Աշխատանքների ծավալը և ժամանակացույցը՝

• ծեսից առաջ սկսվում են նախապատրաստական աշխատանքները,
• ծեսն իրագործվում է Համբարձման նախորդ՝ չորեքշաբթի և հաջորդ՝ հինգշաբթի օրերին:

Ընթացքը

• Տարբեր աղբյուրներից օգտվելով ուսումնասիրում ենք Համբարձման ծեսը։
• Սովորում են Համբարձման ծիսական, ծեսին համապատասխան երգեր, պարերգեր, պարեր։
• Ունկնդրում են Համբարձման ծիսական երգեր («Ջա՜ն, ծաղիկ» , «Համբարձման անուշ գիշեր է» , «Ջա՜ն, ծաղիկ, ջա՜ն, ջա՜ն» և այլն)։
• Սովորում են պատրաստել Վիճակի տիկնիկ։
• Սովորում են պսակ հյուսելու տարբերակներ։
• Ծիսական Արուսի տիկնիկ պատրաստելու համար նախապատրաստում են փարչ, գրտնակ, շորերը պատրաստելու համար՝ համապատասխան կտորներ կամ արդեն պատրաստի փոքր չափերի մանկական շորեր, տիկնիկին զարդարելու համար՝ զարդեր։

Արդյունքներ՝
Ծեսին մասնակցողները կկարողանան

• իմանալ ազգային սովորույթները,
• երգել հայկական ժողովրդական և ծիսական երգեր,
• պարել ազգային ավանդական պարերը,
• ստեղծել ծիսական կերպարները,
• խաղալ ժողովրդական, մանկական, ծիսական խաղերը,
• ճանաչել ծիսական պարագաները: